chudiyan bhi ajeeb gehna hai
kahi hansi ka karan kahi aansu chalka deti hai
maang toh jaise iski judwa hai
maang bhari ho toh chudiyan khanakti hai
kahi inki khan-khanahat kano mein shehad gholti hai
kahi ye toot kar kalai per lahoo bikher deti hai
yeh sawan ka inder-dhanush bhi hai
aur bina badal ka assmaan bhi
inki kimat kuch bhi nahi, per inka koi mol bhi nahi
yeh chudiyan khanakti hi achi lagti hai
yeh chudiyan bhi ajeeb hoti hai.....
No comments:
Post a Comment